>

2.4 milionë bileta të shitura, amerikanët të parët

13 qershor 17:34

Tifozët amerikanë kanë blerë më shumë bileta të Kupës së Botës se çdo vend tjetër, edhe pse përfaqësuesja e ShBA-së nuk arriti të kualifikohej në turneun më të rëndësishëm futbollistik.

Të dhënat e publikuara nga vetë FIFA tregojnë se në total janë shitur 2.4 milionë bileta për këtë kompeticion, ku do të zhvillohen 64 ndeshje. Në fillim të kësaj jave ishin 871 797 bileta që iu shitën tifozëve, nga të cilat rreth 90 mijë u blenë nga amerikanët që nga muaji shtator. Pas ShBA-së, numri më i lartë i biletave të shitura të Botërorit është shënuar në Brazil, vendi i skuadrës 5 herë kampione të botës, me 72 512 bileta, më pas vijnë Kolumbia, Meksika, Argjentina dhe Peruja. Ndërsa në vendin e kampionëve të botës, Gjermani, numri i biletave të shitura arriti në 62 541.

Në dhjetëshen e vendeve ku janë shitur më shumë bileta janë edhe Kina, Australia, Polonia, Suedia e Danimarka. Ajo që të bën përshtypje është se në Angli, vendi që dallohet për tifozëri të zjarrtë, janë shitur vetëm 32 000 bileta për shkak të frikës që ekziston për shfaqjen e dhunës dhe abuzimeve raciste në Rusi.

Fjalët Kyçe:

Lajme të sponsorizuara

Të fundit
Të fundit
Këtë vikend me 16 – 17 qershor ju pret Prizreni…