Një sulm vetëvrasës pranë një postblloku të sigurisë në qytetin Xhalalabad të Afganistanit la të vrarë së paku dhjetë persona.

Zyra e guvernatorit të provincës Nangarhar ka bërë me dije se tetë civilë dhe dy forca të sigurisë janë vrarë në sulmin e së martës.

Shpërthimi ka shkaktuar flakë që dëmtuan dyqane dhe makina në zonë.

“Shumica e viktimave janë fëmijë që kanë qenë duke punuar në një lokacion për larjen e makinave, pranë vendit të shpërthimit”, ka thënë Sohrab Qaderi, anëtar i këshillit provincial.

Attahullah Khogyani, zëdhënës i guvernatorit provincial, ka thënë se katër persona janë plagosur në sulmin në Xhalalabad.

Përgjegjësinë për të nuk e ka marrë ende asnjë grup. (Rel)