Amerika teston një raketë të re masive

07 Shkurt 11:18

Kompania “SpaceX” e ka testuar një raketë të re masive, që është njëra nga më të mëdhatë, e cila është lansuar gjatë disa dekadave dhe më e madhja e të gjitha kohërave për kompanitë private.

Raketa me emrin, “Falcon Heavy”, është ngritur mbrëmë vonë nga Qendra e Gjithësisë Kennedy në Floridë, e cila është shfrytëzuar edhe nga agjencia NASA, para afro 50 vitesh, për lansimin e astronautëve për në Hënë.

Tetë minuta pas lansimit, dy mbështetëse anësore të raketës janë kthyer në Tokë, duke ateruar vertikalisht në qendrën e afërt, Cape Canaveral.

Raketa “Falcon Heavy” konsiderohet se është më e fuqishmja në botë, që është përdorë dhe është më e madhja e llojit të saj, pas raketave të tipit, Saturn V, të shfrytëzuara nga Agjencia e Gjithësisë e Shteteve të Bashkuara, e njohur me shkurtesën NASA, në fillim të viteve të 70-ta.

Kur kjo raketë të bëhet plotësisht operacionale, atëherë ky sistem do të përdoret kryesisht për lansimin e satelitëve të rëndë, të ngjashëm me ata që shfrytëzohen nga ushtria e Shteteve të Bashkuara dhe kompanitë e telekomunikacionit.

Kompania “SaceX” është e themeluar nga biznesmeni i Kalifornisë, Elon Musk, firma e të cilit, Tesla, ka ndihmuar në popullarizimin e përdorimit të automobilave elektrikë në Shtetet e Bashkuara.

Raketa “Falcon Heavy”, po ashtu, e ka bartur një version me ngjyrë të qershisë së kuqe të makinës, “Tesla Roadster”, të cilën kompania planifikon ta dërgoj në mision në Mars. (Rel)

Lajme të sponsorizuara

Të fundit
Të fundit
Konservatorët e Angela Merkelit dhe socialdemokratët e Martin Shulcit kanë…