Sot   (e premte)  fillon  një  etapë  e  re  për futbollin  e  Kosovës,  pasi  për  herë të  parë  në  krye  të  Përfaqësues  A do  të  emërohet  një  trajner  i  huaj.

Fjala  është  për  trajnerin  zviceran Bernard  Challendes,  i  cili  do  të jetë  pasardhës  i  Albert  Bunjakit,  i cili në përfundim të kualifikuesve për  Kupën  e  Botës  “Rusi  2018” kishte dhënë dorëheqje.

Federata  e  Futbollit  të  Kosovës (FFK)  të  enjten  ka  njoftuar  se presidenti  Vokrri  do  të  mbajë  të premten  konferencë  për  medie në orën 11:30, por pa dhënë detaje të tjera. Gazeta ka mësuar se në këtë konferencë do të bëhet zyrtarizimi i trajnerit 66-vjeçar, që e në të kaluarën ka punuar në klubet si Zurich, Sion, Thun, Xamax, Young Boys,  kurse  ishte  edhe  përzgjedhës  i  Armenisë.  Ndërsa  më  pas FFK-ja do të mbajë nga ora 17:00 në  ambientet  e  hotel  “Emerald”, Kuvendin e Rregullt të Punës.

(Veton ZYMBERI)