Chelsea e mposhti Newcastlen

28 janar 2018 | 16:38

Chelsea ka mposhtur pa shumë probleme Newcastle në raundin e katërt të FA Cup me rezultatin 3-0. Ishte një pasdite e bukur në Londër teksa të besuarit e Contes nuk e vunë asnjëherë në dyshim fitoren duke dominuar kundërshtarin në çdo cep të fushës dhe duke merituar kalimin në raundin e pestë të kupës.

Megjithëse ndeshja filloi me ritme të ngadalta pasi vendasit e morën shtruar, goli i Batshuayi në minutën e 31’ zhbllokoi rezultatin pas një asistimi të bukur të Marcos Alonso, raporton “Telesport”. Pak përpara se të përfundonte pjesa e parë sulmuesi belg shënoi golin e dytë duke vendosur ekipin e tij në një situatë të mirë për kualifikimin.

Në pjesën e dytë Blutë nuk e ulën ritmin dhe ishte Marcos Alonso ai që vulosi fitoren me një gol fantastik nga 25 metra. Mbrojtësi ka qenë një nga më të mirët për Conten edhe këtë sezon.

Fjalët Kyçe:

Lajme të sponsorizuara

Të fundit
Tri herë në javë, pacientët që kanë nevojë për dializë…