Chelsea mund të përballet me Barcelonën ose Paris Saint-Germainin në raundin tjetër të Ligës së Kampionëve, por Antonio Conte insiston se janë gati për çdo kundërshtar.

Chelsea humbi kryesimin në Grupin C pas barazimit 1-1 me Atletico Madridin, teksa Roma e mposhti 1-0 Qarabagun.

“Kur kaloni në raundin tjetër, duhet të jeni gati të përballeni me ekipet më të forta të mundshme. Mund të luajmë kundër Barcelonës, PSG-së apo Besiktasit, por duhet të jemi gati. Kjo është gara më e mirë dhe kjo është pse ju dëshironi të shkoni tutje dhe të jeni protagonist në këtë turne”, ka thënë Conte.