Dialogu teknik do të ketë dinamikë dhe qasje të re

20 shkurt 2018 | 07:56

Shefi i delegacionit të Kosovës për dialog teknik, Avni Arifi, ka paralajmëruar se ky proces do të jetë sa më gjithëpërfshirës dhe transparent.

Në këtë intervistë dhënë për gazetën “Epoka e re”, ai ka thënë se temat që do të diskutohen në këtë format të dialogut nuk i takojnë vetëm një koalicioni qeverisës.

Arifi ka treguar se sot (martë) me komisionin parlamentar për politikë të jashtme do të diskutojnë për temat e dialogut teknik, ku do të synohet që në secilin hap të këtij procesi të ketë qasje gjithëpërfshirëse.

Sipas tij, procesi i dialogut teknik do të ketë një dinamikë të re, me një qëllim dhe fokus tjetër.

Arifi ka mohuar çdo mundësi që në procesin e dialogut për normalizim të marrëdhënieve Kosovë – Serbi të diskutohet për shkëmbin të territoreve.

Sipas tij, Kosova me askënd nuk ka as çka të ndaj e as çka të shkëmbejë territor të vet.

(Intervistën e plotë mund ta lexoni në numrin e sotëm të gazetës “Epoka e re”)

Lajme të sponsorizuara

Të fundit
Ligji për gjuhët në Maqedoni ende është në pritje pasi…