Drejtori i ‘Telegram’-it bën thirrje për protestë pas bllokimit të qasjes në Rusi

23 prill 2018 | 14:31

Shefi ekzekutiv i kompanisë “Telegram”, Pavel Durov u ka bërë thirrje mbështetëse në mbarë Rusinë që të organizojnë një protestë të re, për të kundërshtuar përpjekjet e Qeverisë për të bllokuar qasjen në këtë aplikacion të mesazheve.

Durov, i cili është larguar nga Rusia që nga viti 2014 dhe jeton jashtë vendit, i ka falënderuar rusët të cilët protestuan më 22 prill, kundër bllokimit të aplikacionit “Telegram”.

“Edhe një aksion tjetër? Të dielën, më 29 prill”, ka shkruar Durov në rrjetin social “Vkontakte”, raporton “Rel”.

Më 22 prill, mbështetësit e këtij aplikacioni kishin hedhur avion të letrës nga dritaret e tyre. Logoja e Telegramit është pikërisht një avion letre.

Autoritetet ruse kanë marrë vendim për të bllokuar qasjen në këtë aplikacion, pasi Telegram ka refuzuar që të ndajë të dhënat me Shërbimin Federal të Sigurisë (FSB).

Lajme të sponsorizuara

Të fundit
Deputeti i Kuvendit të Kosovës, njëherësh sekretar i përgjithshëm i…