Elezaj: Klina është e interesuar për të promovuar bizneset

01 mars 16:07

Kryetari i komunës së Klinës, Zenun Elezaj, është takuar të enjten me udhëheqësit e Aleancës Kosovare të Biznesit, kryetarin Agim Shahini dhe Lumnije Ajdini, me të cilët ka diskutuar për harmonizimin e qëndrimeve për të ndihmuar bizneset vendore, promovimin dhe krijimin e kushteve për investitorë të jashtëm.

Elezaj ka treguar se Klina është e interesuar të bëjë promovimin e resurseve biznesore që ka kjo komunë, duke shprehur gatishmërinë për bashkëpunim dhe krijimin e kushteve të favorshme për investitorë të huaj.

Më tutje, Elezaj dhe Shahini, kanë biseduar edhe për krijimin e lehtësirave për bizneset, derisa është kërkuar që taksat që paguajnë në TVSh dhe Doganë bizneset e Klinës të derdhen në buxhetin e kësaj komune.

“Qëllimi ynë i përbashkët është që të dëgjohet zëri i bizneseve dhe bashkërisht të harmonizohen qëndrimet. Duhet punuar edhe në luftimin e informalitetit. Bashkërisht do të fillojmë që Klinën ta promovojmë edhe në arenën ndërkombëtare”, është thënë ndër të tjera në këtë takim, ku morën pjesë edhe përfaqësues të biznesit.

Lajme të sponsorizuara

Të fundit
Të fundit
Pasi te Barcelona kaloi koha e “MSN”-së (Messi-Suarez-Neymar) në sulm…