Giroud nuk shkon te Evertoni, shkak gruaja e tij

27 dhjetor 2017 | 13:22

Sam Allardyce është heroi i Evertonit, sepse mori skuadrën në një krizë rezultatesh, me humbjet që pasonin njëra-tjetrën dhe tani e riktheu në rrugën e suksesit.

Me ardhjen e Allardyce dhe rikthimin në formën maksimale të Wayne Rooneyt, Evertoni iu largua njëherë e mirë fundit të renditjes, ndërsa nuk humbet prej më shumë se 8 takimesh. Drejtuesit e klubit i kanë premtuar se do t’i bëjnë edhe ndonjë dhuratë në afati kalimtar të janarit, me qëllim që klubi të synojë një vend në Evropa Liga. Vetë Allardyce tregoi se skuadra ka nevojë për një sulmues pykë, që të luajë krah Rooneyt dhe të shtyjë topin në rrjetë, ndërsa pranoi se francezi Olivier Giroud ishte kontaktuar.

“Kemi nevojë urgjente për një sulmues që të shënojë gola, pasi kemi arritur të prodhojmë mjaftueshëm lojë. Kemi kontaktuar me Giroud dhe fillimisht ai ishte i hapur për këtë transferim, por më pas gruaja e tij vuri veton dhe bëri që negociatat të mbyllen pa nisur mirë”, ka thënë Allardyce.

“Vetë futbollisti e mirëpret një ndryshim ambienti, pasi te Arsenali nuk po gjen mjaftueshëm hapësira, por më besoni, gratë janë pjesë e rëndësishme e vendimmarrjes. Tani duhet të hedhim sytë diku tjetër”, ka deklaruar Allardyce.

Fjalët Kyçe:

Lajme të sponsorizuara

Të fundit
Instituti i Kosovës për Drejtësi (IKD) ka publikuar një analizë…