Gjykata Themelore në Gjilan për gjashtë muaj ka zgjidhur mbi 8 000 lëndë

19 korrik 2018 | 16:59

Gjykata Themelore e Gjilanit në këtë gjashtëmujor ka treguar efikasitet në zgjidhjen e lëndëve, njëherë duke i dhënë prioritet lëndëve të korrupsionit dhe dhunës në familje.

Kryetari i Gjykatës Themelore në Gjilan, Ramiz Azizi, në një konferencë për media ka shpalosur të dhënat për këtë gjashtëmujor.

Konkretisht është ndalur tek lëndët e korrupsioni, ku gjykata i ka dhënë prioritet më shumë. “Lëndët të kapitullit të korrupsionit është gjatë këtyre gjashtë muajve kemi arritur të zgjidhim 19 lëndë, ndërsa në punë kanë mbetur edhe 35 lëndë, por besoj që shumë shpejt numri i këtyre lëndëve do të zvogëlohet edhe më shumë, pasi që janë lëndë me prioritet. Dënimet për këto lëndë janë dënime me burg, dënime me kusht, si dhe ka edhe aktgjykime liruese”, ka thënë ai.

Gjykata Themelore e Gjilanit, së bashku me Degët e saja në Viti, Kamenicë dhe Novobërdë ka shënuar progres në zgjidhjen e numrit të lëndëve. “Ky institucion trashëguar në fillim të vitit 20.331 lëndë, gjatë këtyre gjashtë muajve ka pranuar 6.571 lëndë, që do thotë me numrin e lëndëve të trashëguara dhe të pranuara është gjithsejtë 26.902 lëndë. Gjatë kësaj periudhe kohore është arritur të zgjidhen 8.493, ndërkohë kanë mbetur në punë edhe 18.409 lëndë”, ka thënë kryetari i Gjykatës Themelore në Gjilan, Ramiz Azizi.

Nga numri i lëndëve të pranuara dhe të kryera efikasiteti është 129 për qind, në bazë të kësaj shihet edhe rënia e numrit të lëndëve nga 20.331 në 18.409.
Në veçanti në Departamentin e Krimeve të Rënda janë trashëguar 308 lëndë nga vitet paraprake, janë pranuar 137, do të thotë në total 445 lëndë.

Për gjashtë muaj janë kryer nga gjykatësit 147 lëndë, kanë mbetur edhe 298 lëndë në punë, efikasiteti i kryerjes së lëndëve është 107 për qind.

/Epoka e re/

Lajme të sponsorizuara

Të fundit
Zëvendësministri i Forcës së Sigurisë së Kosovës, Burim Ramadani, komandanti…