Haradinaj premton realizimin e kërkesave të SBAShK-ut

14 shkurt 2018 | 11:32

Kryeministri i Kosovës, Ramush Haradinaj, ka bërë me dije se gjatë ditëve në vijim do t’i takojë përfaqësuesit e SBAShK-ut, për të gjetur një zgjidhje lidhur me kërkesat e tyre.

Paralajmërimi i këtij takimi ka ardhur si rezultat i fillimisht të grevës së mësimdhënësve në orën e parë të mësimit në të dyja ndërrimet.

Haradinaj ka premtuar se bashkë me përfaqësuesit e SBAShK-ut do të punojë në trajtimin e kërkesave me qëllim të realizimit të tyre, si dhe përmbushjen e obligimeve shtetërore.

“Në këtë frymë të përkushtimit, njohja e sakrificës së mësimdhënësve të viteve të ’90-ta ka po ashtu një rëndësi të veçantë. Mësimdhënësit e viteve të ’90-ta ishin shtylla e papërkulur e rezistencës sonë”, ka shkruar Haradinaj në llogarinë e vet në “Facebook”.

Statusi i plotë i Ramush Haradinajt:

Duke marrë parasysh sakrificën e të gjitha segmenteve të shoqërisë sonë, Qeveria e Kosovës ishte dhe mbetet e përkushtuar që t’i trajtojë me prioritet kërkesat dhe nevojat e të gjitha kategorive të lirisë.

Tashmë një pjesë e këtyre kategorive kanë mbështetjen e plotë ligjore.

Në këtë frymë të përkushtimit, njohja e sakrificës së mësimdhënësve të viteve të ’90-ta ka po ashtu një rëndësi të veçantë.

Mësimdhënësit e viteve të ’90-ta ishin shtylla e papërkulur e rezistencës sonë.

Gjatë ditëve në vijim do t’i takojë përfaqësuesit e SBAShK-ut dhe bashkërisht me ta do të punojmë në trajtimin e kërkesave me qëllim të realizimit të tyre, por edhe në përmbushjen e obligimeve tona si shtet.

 

Lajme të sponsorizuara

Të fundit
Lulëzim ETEMAJ Rreth gjashtë vite ka qenë jetëgjatësia e flamurit…