Kryeministri i Republikës së Kosovës, Ramush Haradinaj, ka folur pas mbledhjes së Qeverisë për gjendjen në të cilën gjendet aktualisht Telekomi i Kosovës.

Ai ka thënë se Qeveria nuk ka dëshirë t’i ulë pagat e askujt, por sipas tij duhet të shpëtohet Telekomi.

Haradinaj ka thënë se bankrotimi eventual i Telekomit është lajm i keq për këtë kompani.

“Punëtorëve ndoshta nuk i bie shumë t’ju ulen pagat, por menaxhmentit. Nuk besoj 40 për qind, por nëse kërkohet për 10 për qind për punëtorët e 20 për qind për menaxhment, është në të mirën e tyre, në mënyrë që të mos bankrotojë”, ka thënë Haradinaj.