Nënkryetari i Lidhjes Demokratike të Kosovës (LDK), Lutfi Haziri, ka thënë se problemi i Serbisë ndaj Kosovës është territorial.

Ai ka theksuar se shteti serb në pamundësi të fitimit të territorit të Kosovës me alternativa të tjera, ai tashmë po tenton ndarjen e Kosovës.

“Problemi i Serbisë është territorial. Sepse në pamundësi të spastrimit etnik në forma të tjera, po tenton ndarjen e Kosovës, për ta larguar nga harta të arriturën e Kosovës”, ka thënë Haziri në konferencën “Skenari i ‘Finales së Madhe’ mes Kosovës e Serbisë”.