Shefi i grupit parlamentar të Lidhjes Demokratike të Kosovës (LDK), Avdullah Hoti, ka thënë se kjo parti nuk e mbështet formën e tanishme të dialogut në mes të Kosovës dhe Serbisë.

Ai në konferencën e përjavshme për medie, ka thënë se ekipi negociator i Kosovës është jokompetent për ta përfaqësuar vendin në dialog me Serbinë.

Ndërsa sa i përket presidentin Hashim Thaçi, Hoti ka thënë se nuk ka autorizim që të mbajë bisedime në Bruksel.

Sipas tij, Kuvendi i Kosovës është institucioni që ka autorizuar Qeverinë me dy rezoluta për zhvillimin e dialogut me Serbinë.

Më tutje, Hoti ka vlerësuar se partitë politike kanë nevojë të zhvillojnë dialog të brendshëm pas të cilit duhet të mbahen zgjedhjet.