Hoxhaj: BE-ja vendos shumë shpejt për vizat

16 maj 2018 | 13:19

Zëvendëskryeministri i Kosovës, Enver Hoxhaj, pas kthimit nga Brukseli, ka thënë se Kosova ka përmbushur plotësisht kushtet për lëvizje të lirë pa viza.

Në një përgjigje për “Radion Evropa e Lirë”, Hoxhaj ka thënë se Kosova është në kilometrin e fundit para se qytetarët të lëvizin pa viza drejtë zonës Schengen.

“Në takimet që kam pasur me komisionarët Johannes Hahn dhe Dimitris Avramopolos si dhe më shumë deputetë të Parlamentit Evropian është konfirmuar nga ana e institucioneve të BE-së se Kosova ka përmbushur plotësisht kushtet për lëvizje të lirë pa viza dhe brenda një kohe të shkurtë bëhet publik qëndrimi i Komisionit Evropian para shteteve anëtare dhe institucioneve tjera të BE-së. Po ashtu brenda një kohe të shkurtër do të përmbyllet vendimmarrja brenda BE-së dhe shteteve anëtare dhe Kosova është në kilometrin e fundit se kur do të udhëtojnë qytetarët e saj pa viza”, ka thënë zëvendëskryeministri Hoxhaj.

Gjatë vizitës në Bruksel, Hoxhaj ka takuar komisionarin Johannes Hahn dhe Dimitris Avramopoulos. Po ashtu ai është takuar edhe me raportuesin për Kosovën në Parlamentin Evropian, Igor Soltes, raportuesen për viza për Kosovën, Tanja Fajon, si dhe zyrtarë të tjerë të lartë të institucioneve të Bashkimit Evropian.

Fjalët Kyçe:

Lajme të sponsorizuara

Të fundit
Krijimi i një zone ekonomike amerikane në Kosovë po shihet…