Ish-kryetari i parlamentit të Austrisë: Jam i lumtur kur e shoh një Kosovë krejt tjetër

20 shkurt 2018 | 14:27

Presidenti i së Kosovës, Hashim Thaçi, ka pritur sot në takim ish-kryetarin e Parlamentit Nacional të Austrisë në periudhën 2002-2006 dhe deputet nga viti 1983, Andreas Khol.

Presidenti Thaçi ka falënderuar atë për rolin e rëndësishëm në ndërkombëtarizimin e çështjes së Kosovës që nga vitet e ‘90-ta, si kritikues i ashpër ndaj shkeljes së të drejtave të shqiptarëve të Kosovës si dhe ndaj mbylljes së universitetit, akademisë dhe shkollave shqiptare.

“Austria ka qenë dhe mbetet ndër miqtë kryesorë të Kosovës. Ju faleminderit për prezencën në festën e 10-vjetorit”, ka thënë presidenti Thaçi.

Thaçi ka thënë se Austria është përkrahëse dhe asgjë nuk i lëkund marrëdhëniet e mira ndërmjet dy shteteve.

Nga ana tjetër, ish-kryetari i Parlamentit Nacional të Austrisë, Andreas Khol, ka uruar presidentin dhe popullin e Kosovës për dhjetëvjetorin e pavarësisë.

“Herën e parë kam qenë në Kosovë në vitin 1991 dhe kam kuptuar pse Kosova kërkon liri dhe pavarësi. Më bën të lumtur të shoh një Kosovë krejt tjetër, të ndërtuar”, ka thënë ai.

Fjalët Kyçe:

Lajme të sponsorizuara

Të fundit
Infrastruktura rrugore ka qenë top-prioritet i të gjitha qeverive të…