Me rastin e 24 marsit “Epopesë së Dukagjinit”, që konsiston me 20-vjetorin e fillimit të luftës së UÇK-së, në Zonën Operative të Dukagjinit dhe 19-vjetorit të intervenimit të NATO-s, mbi caqet serbe, Komuna e Deçanit ka organizuar një varg aktivitetesh.

Sipas një njoftimi për media, aktivitetet do të nisin më 22 mars dhe do të zgjasin deri më 24 mars.

Përveç tjerash është paraparë homazhe pranë shtatores dhe në Kompleksin Memorial “Dëshmorët e Kombit”, në Gllogjan, si dhe seancë solemne.

Ndërsa më 23 mars, duke filluar nga ora 12:00, do të mbahet manifestimi qendror “Epopeja e Dukagjinit”.