Jep dorëheqje presidenti i Afrikës Jugore

15 shkurt 2018 | 11:22

Presidenti i Afrikës Jugore, Jakob Zuma, ka dhënë dorëheqje, pas presionit intensiv nga partia e tij.

Në këtë mënyrë ka përfunduar periudha prej nëntë vitesh e presidencës së tij.

Në deklaratën televizive, Zuma mbrëmë vonë ka thënë se tërhiqet menjëherë, por ka theksuar se nuk pajtohet me vendimin e partisë Kongresi Kombëtar Afrikan (ANC), që ka kërkuar që presidenti 75-vjeçar të tërhiqet ose në të kundërtën ballafaqohet me votim të mosbesimit në parlament.

Pritet se president i ardhshëm do të jetë lideri i partisë ANC dhe zëvendëspresidenti i deritashëm, Cyril Ramaphosa.

Zuma, ish-anëtar i krahut ushtarak të ANC në periudhën e aparteidit, ishte president prej vitit 2009.

Ai largohet nga presidenca me disa skandale prapa, përfshirë akuza për korrupsion. (Rel)

Fjalët Kyçe:

Lajme të sponsorizuara

Të fundit
Ministrja e Integrimit Evropian, Dhurata Hoxha, ka marrë pjesë në…