Kryetari i Komunës së Rahovecit, Smajl Latifi, ka mbajtur sot mbledhjen e rregullt të qeverisë komunale, në të cilën është informuar nga drejtorët për ecurinë e punëve dhe angazhimeve të gjertanishme të drejtorëve.

Latifi ka kërkuar nga drejtorët komunal angazhim maksimal në punë.

“Nga drejtorët kërkova angazhim maksimal në kryerjen e detyrave me përgjegjësi të plotë, realizimin e projekteve dhe prioriteteve të parapara sipas planeve vepruese, për të qenë çdoherë në shërbim të qytetarëve të komunës sonë”, ka thënë kryetari i Komunës së Rahovecit, Smajl Latifi.