Limaj njoftohet me të arriturat e FSK-së

06 shkurt 2018 | 17:28

Ministri i Forcës së Sigurisë së Kosovës, Rrustem Berisha, ka pritur të martën në takim zëvendëskryeministrin Fatmir Limaj dhe ministrin e Infrastrukturës, Pal Lekaj.

Pjesë e këtij takimi ishin dhe zëvendësministri Agim Çeku dhe komandanti i FSK-së, gjenerallejtënant Rrahman Rama.

Ministri i FSK-së, Rrustem Berisha, ka falënderuar për vizitën zëvendëskryeministrin Limaj dhe anëtarët tjerë të delegacionit, si dhe i ka njoftuar ata me zhvillimet dhe të arriturat e përgjithshme të MFSK-së dhe FSK-së.

Gjithashtu ministri Berisha e ka informuar Limajn për bashkëpunimin rajonal dhe ndërkombëtar, për memorandumet e bashkëpunimet me shtetet anëtare të NATO-s, duke theksuar bashkëpunimin me Gardën Kombëtare të Ajovës.

Po ashtu, në këtë takim është folur edhe për transformimin e FSK-së në Forca të Armatosura të Kosovës.

Ndërsa komandanti i FSK-së, gjenerallejtënant Rrahman Rama, ka folur për arritjet e përgjithshme dhe individuale të kadetëve të FSK-së, në akademitë më prestigjioze në botë, si në ShBA, Mbretërinë e Bashkuar, Gjermani, Turqi, Shqipëri etj.

Ndërkaq zëvendësministri Fatmil Limaj ka përgëzuar ministrin Berisha dhe komandantin e FSK-së për arritjet e përgjithshme, duke premtuar përkrahjen e tij dhe të Qeverisë së Kosovës për Ministrinë e FSK-së dhe Forcën e Sigurisë së Kosovës.

Lajme të sponsorizuara

Të fundit
Kancelarja gjermane, Angela Merkel, ka thënë se është e gatshme…