Limaj: Shqipëria dhe Kosova duhet t’i ndihmojnë arbëreshët

25 maj 2018 | 21:59

Kosova dhe Shqipëria i kanë borxh arbëreshëve të Italisë për ruajtjen e identitetit, historisë, gjuhës dhe zakoneve tjera shqiptare ka thënë zëvendëskryeministri i Kosovës, Fatmir Limaj në një takim të organizuar nga komuniteti arbëresh në Itali.

Limaj në llogarinë e vet në “Facebook” ka shkruar se arbëreshët nuk hoqën dorë asnjëherë nga identiteti i tyre kombëtarë dhe me xhelozi e ruajtën traditën dhe kulturën shqiptare.

“Shqipëria dhe Kosova duhet të angazhohen për të ndihmuar arbëreshet në ruajtën dhe zhvillimin e këtyre vlerave”, ka shkruar

Postimi i plotë i Limajt:  

Ishte kënaqësi që në jubileun e heroit kombëtar Gjergj Kastrioti – Skënderbeu, në vendlindjen e Jeronim de Radës dhe Zef Serembes, bashkë me ministrat Dardan Gashi e Pandeli Majko, të marrim pjesë në një tubim të organizuar nga komuniteti arbëresh në Itali.

Kosova dhe Shqipëria u kanë borxh arbëreshëve për ruajtjen me fanatizëm të identitetit, historisë, gjuhës dhe zakoneve tjera arbëreshe për qindra vjet.

Shqipëria dhe Kosova duhet të angazhohen që t’u ndihmojnë arbëreshëve në ruajtjen e këtyre vlerave.

Arbëreshët i ftuam që sa më shpejt ta viztojnë Kosovën për ta thelluar bashkëpunimin në të gjitha fushat.

FL

Lajme të sponsorizuara

Të fundit
Ilir Shaqiri rikthehet me një projekt muzikor të titulluar “Nëse…