Lladrovci e Jashari takojnë Ilir Metën dhe Erion Veliajn

10 janar 2018 | 17:04

Kryetari i komunës së Drenasit, Ramiz Lladrocvi dhe ai i Skenderajt, Bekim Jashari, kanë qëndruar në një vizitë zyrtare në Republikën e Shqipërisë, ku janë pritur në takim nga presidenti i Republikës së Shqipërisë, Ilir Meta dhe nga kryetari i Bashkisë së Tiranës, Erion Veliaj.

Gjatë kësaj vizite të parë zyrtare si dy kryetarë të porsazgjedhur të komunës së Drenasit dhe të Skenderajt, kanë vendosur kurora lulesh pranë shtatores së komandantit legjendar, Adem Jashari.

Sipas njoftimit të komunë së Drenasit, vizita ishte shumë e mirëseardhur, sepse janë shprehur gatishmëri për lidhjen e bashkëpunimit ndërmjet komunave të Kosovës dhe institucioneve të Shqipërisë, bashkëpunimin ndërkomunal si dhe begatimin e agjendave të interesit të përgjithshëm.

Postimi i plotë i Lladrovcit në llogarinë e vet në “Facebook”:

Sot, bashkë me kryetarin e Skenderajt, z. Bekim Jasharin, kemi zhvilluar një vizitë në Tiranë, ku u pritem nga Presidenti i Republikës së Shqipërisë, Sh.T.Z. Ilir Meta.
Gjatë kësaj vizite të parë zyrtare, kemi vendosur kurora me lule pranë shtatores së Komandantit legjendar, Adem Jashari.

Po ashtu, kemi takuar edhe kryetarin e Bashkisë së Tiranës, z. Erion Veliaj. Takimin e përbashkët me Presidentin e Shqipërisë, Sh.T.Z Ilir Meta, me Kryetarin e Skenderajt, Bekim Jasharin e vlerësuam si takim shumë të përzemërt dhe përmbajtjesor. Aty paraqitem disa çështje të cilat u mirëpriten nga Z. President, të rëndësishme për Drenasin dhe Skenderajn.

Bashkëpunimi ndërkomunal, dy komunat që përbëjnë tërësinë e Drenicës, kanë nevojë për partneritete të dobishme për komunat dhe qytetarët e komunave përkatës dhe të kenë vendin që meritojnë në gjeografinë shqiptare.

Drenica është zonë e interesit të veçantë dhe mirëpresim iniciativat që çojnë përpara këtë zonë, duke e bërë të zhvilluar, me perspektivë për të rinjtë, punësim, sport, kulturë dhe veprimtari të tjera.

Mirëpresim gatishmërinë për lidhjen e bashkëpunimit ndërmjet komunave tona dhe institucioneve të Shqipërisë, bashkëpunimin ndërkomunal si dhe begatimin e agjendave të interesit të përgjithshëm.

Falënderojmë Presidentin e Shqipërisë, Sh.T.Z. Ilir Meta për mikpritjen e sinqertë. Po ashtu, falënderojmë kryetarin e Bashkisë së Tiranës, Erion Veliajn për gatishmërinë e thellimit të bashkëpunimit.

Image may contain: 5 people, people sitting, table and indoor

Image may contain: 3 people, people sitting and indoor

Image may contain: 2 people, people smiling, people standing and indoor

Image may contain: 1 person, standing and indoor

Image may contain: 2 people, people standing, tree and outdoor

Lajme të sponsorizuara

Të fundit
Pas dorëheqjeve të shumta që kanë ndodhur javëve të fundit…