Maltë: Policia arreston dhjetë të dyshuar për vrasjen e gazetares

04 Dhjetor 13:31

Policia e Maltës sot i ka arrestuar 10 persona të dyshuar për vrasjen e blogeres kundër korrupsionit dhe gazetares investigative, Daphne Caruana Galizia, pothuajse dy muaj pasi vetura e saj kishte eksploduar, derisa ajo udhëtonte me të, ka thënë kryeministri, Joseph Muscat.

Të dyshuarit janë shtetas të Maltës dhe shumica prej tyre kanë të kaluar kriminale, ka thënë kryeministri Muscat, por nuk ka dhënë detaje të tjera. Policia i ka 48 orë për t’i marrë në pyetje të dyshuarit dhe të vendos nëse ata do të mbeten në paraburgim ose do të lirohen.

Caruana Galizia, 53-vjeçare, është vrarë më 16 tetor nga një bombë në makinën e saj në Maltë.
Ajo e udhëhiqte një blog të popullarizuar, në të cilin paraqiten rastet e korrupsionit të dyshuar të nivelit të lartë, duke i marrë në shënjestër politikanët nga të gjitha partitë politike.

Lajme të sponsorizuara

Të fundit
Të fundit
Edhe pse ishte paralajmëruar që nga vjet, se stadiumi olimpik…