Mbi 6 mijë myslimanë rohingya janë vrarë për një muaj

14 Dhjetor 11:01

Organizata ndërkombëtare, Mjekët pa Kufij, ka thënë se të paktën 6.700 myslimanë rohingya janë vrarë gjatë muajit të parë, pasi pati shpërthyer dhuna në Burma gjatë muajit gusht.

Organizata me bazë në Gjenevë ka thënë përmes një deklarate se është vlerësuar që 9.000 myslimanë rohingya kanë vdekur në Burma, të njohur edhe si Mianmar, gjatë periudhës së 25 gushtit deri më 24 shtator.

Sipas tyre të paktën 6.700 nga këto vdekje kanë ndodhur për shkak të dhunës, duke përfshirë 730 fëmijë nën moshën 5-vjeçare.

Në deklaratën e kësaj organizate është thënë se 69 për qind e vdekjeve kanë ndodhur nga të shtënat me armë, raporton “Rel”.

Dhuna e ashpër kishte filluar kur forcat e sigurisë dhe milicia lokale nisën një fushatë shtypëse në shtetin Rakhine me shumicë budistësh, duke nisur sulm ndaj myslimanëve rohingya.

Nga ajo periudhë më shumë se 626.000 anëtarë të këtij komuniteti janë nisur drejt Bangladeshit, është thënë nga të gjeturat e kësaj organizate.

Lajme të sponsorizuara

Të fundit
Të fundit
Të mbijetuarit e zjarrit që la të vdekur 71 persona…