Kancelarja gjermane, Angela Merkel, ka arritur në Uashington, ku pritet që me presidentin amerikan, Donald Trump të bisedojë për marrëveshjen bërthamore të Iranit dhe për heqjen e tarifave amerikane për çelik dhe alumin.

Merkeli pritet të takohet sot me Trumpin në Zyrën Ovale dhe më pas do të kenë një drekë pune.

Kancelarja gjermane viziton SHBA-në, pasi presidenti francez, Emmaneul Macron kishte qëndruar atje në një vizitë triditore.

Merkeli kishte vizituar SHBA-në në mars të vitit 2017.

Konflikti në Siri gjithashtu pritet të jetë një nga temat e diskutimit. Gjermania nuk morri pjesë në sulmin ajror në Siri, të Shteteve të Bashkuara, Francës dhe Britanisë. Tri shtetet sulmuan Sirinë, në kundërpërgjigje të një sulmi të dyshuar kimik në Duma, ku u vranë dhjetëra persona.