Ministri Beqaj, javën e ardhshme udhëton për në ShBA

02 Shkurt 12:16

Ministri i Ministrisë së Inovacionit dhe Ndërmarrësisë, Besim Beqaj, javën e ardhshme do të udhëtojë në Shtetet e Bashkuara të Amerikës (ShBA), ku do të marrë pjesë në Lutjet e Mëngjesit, si dhe do të ketë takime të rëndësishme me qëllim të thellimit të bashkëpunimit dhe shkëmbimit të përvojave dhe mbështetjes amerikane në fushën e inovacionit dhe ndërmarrësisë.

Ministri Beqaj gjatë qëndrimit në ShBA do të vizitojë Universitetin “James Madison”, ku do të takojë presidentin e këtij universiteti, në veçanti departamentin për Inovacion dhe Ndërmarrësi.

Ai do të ketë takime shumë të rëndësishme edhe me përfaqësues të Departamentit Amerikan të Shtetit, Bankës Botërore, USAID-it, si dhe me përfaqësues të Odës Ekonomike të Shteteve të Bashkuara të Amerikës.

Ministri Beqaj gjatë vizitës në ShBA do të promovojë Ministrinë e Inovacionit dhe Ndërmarrësisë, do të kërkojë mbështetje në fushën e konsulencës dhe në aspekte të tjera që do të ndihmonin në realizimin e objektivave të kësaj ministrie, si dhe do të marrë përvojat amerikane në funksionimin e Qendrave të Inovacionit dhe Ndërmarrësisë.

Lajme të sponsorizuara

Të fundit
Të fundit
Houstoni ka fituar 102-91 ndaj San Antonio në ndeshjen e…