Ministri Hasani merr masa mbrojtëse për qumështin

16 Prill 12:16

Me qëllim të mbrojtjes së prodhimit vendor, ministri i Tregtisë dhe Industrisë, Bajram Hasani, ka marrë masa mbrojtëse për qumështin duke u bazuar në kompetencat ligjore në pajtim me nenin 1 dhe paragrafin 1 të nenit 2 të Ligjit nr. 041/L-047, si dhe dispozitat përkatëse të Marrëveshjes CEFTA.

“Vendimi ka ardhur pas një hetimi që është konstatuar se importi nga Bosnja dhe Hercegovina është rritur mbi masën 20 për qind dhe ka ndikuar në dëmtimin e produkteve vendore për faktin se importi i produkteve të qumështit nga Bosnja dhe Hercegovina është me çmim të ulët i cili është nën koston e prodhimeve vendore të qumështit. Siç parashihet në nenin 8 të Ligjit për Masat Mbrojtëse në Importe, ka bazë të mjaftueshme për të përcaktuar se rritja e importit, si dhe kushtet në të cilat kryhet ky import, kërcënon t’u shkaktoj dëme serioze prodhuesve vendorë të produkteve të ngjashme”, është thënë në njoftimin e Ministrisë së Tregtisë dhe Industrisë.

Në këtë njoftim është theksuar se Ministria e Tregtisë dhe Industrisë është e autorizuar, në bazë të dëshmive të mjaftueshme, të zbatojë ligjin për të mbrojtur prodhuesit e produkteve të qumështit kur kërcënohen të përjetojnë dëme serioze nga importi i qumështit me origjinë nga Bosnja dhe Hercegovina.

Këto masa mbrojtëse prekin mijëra prodhues dhe përpunues të qumështit që operojnë në tregun e Kosovës.

Ministria e Tregtisë dhe Industrisë ka bërë me dije se do të vazhdojë me masa mbrojtëse për prodhuesit vendor, në momentin që vërtetohet se ka bazë ligjore.

Kjo masë mbrojtëse afekton rreth 3 mijë bujq fermerë që kanë ferma me nga 5 lopë deri në 250 lopë, dhe mbi 30 përpunues të qumështit.

/Epoka e re/ 

 

Lajme të sponsorizuara

Të fundit
Të fundit
Presidenti i AS Roma, James Pallotta menjëherë pas derbit të…