>

Ministri Lluka fton kompanitë kanadeze të investojnë në Kosovë

06 mars 11:58

Me ftesë të ministrit të Resurseve Natyrore të Kanadas, Jim Carr, ministri i Zhvillimit Ekonomik, Valdrin Lluka, ka marrë pjesë në Samitin Ndërkombëtar të Ministrave të Minierave në Toronto të Kanadasë, i cili mbahet në kuadër të PDAC – Forumit Ekonomik Botëror, që ka për qellim diskutimin dhe promovimin e aktiviteteve të përbashkëta në sektorin minerar.

Në Samit, ku morën pjesë mbi 25 ministra të minierave nga e gjithë Bota, ministri Lluka u taku me shumë nga homologët e tij, me të cilët diskutoi për zhvillimin e sektorit minerar, trendet e reja si dhe thellimin e bashkëpunimit dhe shkëmbimit të përvojave në interes të përbashkët.

Në fjalën e tij në këtë Samit, ministri Lluka ka folur për rëndësinë e rritjes së besueshmërisë tek investitorët pasi kjo lidhet direkt me imazhin e shtetit dhe rrjedhimisht rrit mundësinë e tërheqjes së investitorëve të huaj në vend.

Ministri Lluka paraprakisht para një numri të konsiderueshëm kompanish kanadeze ka prezantuar potencialet minerare që ka Republika e Kosovës si dhe ka ftuar të njëjta të investojnë në Kosovë.

Samiti Ndërkombëtar i Ministrave të Minierave, është Samiti më i madh botëror me fushën e minierave, që mbledh çdo vit numër të madh të ministrave si dhe kompani me qëllim të thellimit të bashkëpunimit, promovimit të sektorit minerar dhe tërheqjes së investimeve.

Ndryshe, gjatë ditës së nesërme ministri Lluka dhe ministri Carr do të nënshkruajnë marrëveshje për Promovimin dhe Mbrojtjen e Investimeve në mes të Republikës së Kosovës dhe Kanadasë, e cila do të hapë rrugën e bashkëpunimit ekonomik mes dy vendeve.

Lajme të sponsorizuara

Të fundit
Të fundit
Shtetet e Bashkuara u kanë bërë thirrje talibanëve që të…