Ministrja Hoxha në Vjenë, Kosova të përfshihet në Strategjinë e zgjerimit të BE-së

29 Janar 16:21

Ministrja e Integrimit Evropian, Dhurata Hoxha, në Vjenë, po merr pjesë në Konferencën ndërkombëtare kushtuar Strategjisë së të ardhmes evropiane, ku marrin pjesë zyrtarë të lartë të shteteve të Bashkimit Evropian, Ballkanit, ShBA-së dhe vende të tjera.

“Konferenca e Vjenës, Com-sult, është e përqendruar në strategjinë për të ardhmen e Evropës, me moton Go West – Western Balkan! Procesi i Integrimit evropian pritet që me një Strategji të zgjerohet edhe në vendet e Ballkanit perëndimor”, ka shkruar ministrja Hoxha në rrjetet sociale.

Në dokumentet e konferencës thuhet se interesi në rajonin e Ballkanit nuk është rritur në lidhje me menaxhimin e flukseve të refugjatëve dhe migracionit. Ndërsa vendet tjera largohen nga Evropa, perspektiva evropiane vazhdon të luajë një rol të rëndësishëm për shtetet e Ballkanit.

“Në takime me disa nga personalitetet e shquara që janë pjesëmarrës të kësaj konference, kërkova që Kosova të përfshihet në Strategjinë e BE-së për zgjerim, në pajtim me qëllimin primar të Republikës së Kosovës, duke u bërë pjesë e vlerave integruese euroatlantike”, ka shkruar ministrja Hoxha.

Lajme të sponsorizuara

Të fundit
Të fundit
Futbollisti i Cardiff Cityt, Joe Bennett, i ka kërkuar falje…