Napoli – Juve, sfida e një miliard eurove në Serinë A

30 Nëntor 15:29

Mbrëmja e së premtes i është rezervuar supersfidës së Serisë A, Napoli – Juventus, dy skuadra që janë në një duel të fortë për titullin kampion në Itali, së bashku me Interin.

Në “San Paolo” do të zbresin në fushën e lojës dy skuadra që kanë në përbërje futbollistë, që në total e kanë vlerën në afatin kalimtar 1.08 miliard euro. Kjo është ajo që publikon e përditshmja italiane “Corriere dello Sport”, sipas së cilës, vlera në afatin kalimtar të futbollistëve të Napolit arrin në 497.2 milionë euro. Pa dyshim më i vlerësuari te skuadra e Maurizio Sarrit është Lorenzo Insigne, me 100 milionë euro, i ndjekur nga Koulibaly me 54 milionë dhe Marek Hamsik me 40 milionë. Sipas kësaj të përditshmeje, vlera e Elseid Hysajt është 25 milionë euro, duke lënë pas spanjollin Callejon, me 20 milionë. Në krahun tjetër, Juventusi ka një vlerë në afatin kalimtar prej 589 milionë eurosh. Për kampionët e Italisë, futbollisti më i kushtueshëm është Paulo Dybala, me 100 milionë euro, i ndjekur shumë pranë nga Higuain me 90 milionë, me argjentinasin që ndryshe nga sa u raportua në media ditët e fundit, duket se do të jetë në stol në sfidën e “San Paolo”-s. Podiumin e futbollistit më të shtrenjtë te “Zonja e vjetër” e mban Douglas Costa, me 46 milionë euro.

Fjalët Kyçe:

Lajme të sponsorizuara

Të fundit
Të fundit
Ardian Limani shpreh optimizëm se Drita do ta mbyllë edicionin…