Kuvendi Komunal në Deçan, pas kërkesës së OVL – UÇK Dega në Deçan me nr. të protokollit 5262 të dt. 21.02.2018, ka aprovuar unanimisht ndarjen e lokacionit për ngritjen e shtatores së dëshmorit të kombit, Beg Rizaj.

Musë Maloku përmes një njoftimi në llogarinë e vet në “Facebook”, ka shkruar se qytetarë, bashkëluftëtarë dhe familjarë të Begut, janë duke kontribuar në grumbullimin e mjeteve të nevojshme për ndërtimin e këtij monumenti në përkujtim dhe nderim të rënies heroike të tij.