Objekti i trashëgimisë kulturore në Prishtinë ka filluar të shembet

06 mars 14:21

Objekti i mbrojtur si trashëgimi kulturore që gjendet në zonën e vjetër të qytetit, në Prishtinë, ka filluar të shembet.

Drejtoritë përkatëse të Komunës së Prishtinës bashkë me Zjarrfikësit dhe Policinë e Kosovës kanë dalë në vendin e ngjarjes dhe i kanë ndërmarrë masat e nevojshme për parandalimin e rrezikut.

“Ekspertët tanë bashkë me ata të nivelit qendror kanë vlerësuar se duhet të bëhet rrënimi i kontrolluar i disa pjesëve të këtij objekti, ashtu që të evitohet në tërësi rreziku. Meqë është objekt privat dhe nën mbikëqyrje të Institutit për Mbrojtjen e Trashëgimisë Kulturore, presim nga ky institut që të na e dërgojë pëlqimin për një gjë të tillë, ashtu që të veprojmë sa më parë”, është në njoftimin e komunës së Prishtinës.

Lajme të sponsorizuara

Të fundit
Të fundit
Dekani i Fakultetit Juridik në Universitetin “Kadri Zeka”, Sadik Haxhiu,…