Siria zotëron kapacitete ushtarake kimike që vijojnë të jenë ende të pranishme në vend dhe mund të ndërmarrë sulme të kufizuara, pas sulmeve perëndimore të fundjavës së kaluar, u shpreh sot një zyrtar i lartë i Pentagonit, gjenerali Kenneth McKenzie.

”Ata kanë ende një kapacitet të mbetur. Ky kapacitet me gjasa është shpërndarë në të gjithë vendin, në zona të ndryshme”, u shpreh gjenerali gjatë një konference shtypi.

”Ata do të kenë kapacitetin për të ndërmarrë sulme të kufizuara në të ardhmen, nuk e do e përjashtoja një mundësi të tillë, nëse ata do të kenë parasysh pasojat e sulmeve të tilla duhet vërtetë të shqetësohen pasi ne po i monitorojmë dhe zotërojmë kapacitetin e duhur për të goditur sërish nëse është e nevojshme”, shtoi ai, përcjell Atsh.

Më 14 prill, SHBA-ja, Franca dhe Britania e Madhe bombarduan tre zona që mendohet të kishin lidhje me programin e armatimit kimik sirian, por fatmirësisht pa shënuar të vdekur, në formë kundërpërgjigje ndaj një sulmi të dyshuar kimik ku mbetën të vrarë 40 persona në 7 prill në Duma, në periferi të Damaskut.