Policia po heton mbishkrimet serbe në muret e shqiptarit në Mitrovicë

31 Dhjetor 12:43

Në ditën e fundit të vitit 2017, në muret e shtëpisë së një shqiptari në Mitrovicë, janë hasur mbishkrime të gjuhës serbe, me motive provokuese.

Në mbishkrime figuronin mesazhe serbe “Kosova është Serbi” ndërsa po ashtu qëndronte dhe figura e kryqit me 4S që nënkupton mesazhin (Vetëm uniteti shpëton Serbinë).
Ndërsa për “Klan Kosova”, Shkodran Sejdijaj, pronari i shtëpisë ku dhe janë hasur mbishkrimet, ka thënë se kjo është edhe një tjetër provokim i radhës që u bëhet shqiptarëve në Lagjen e Boshnjakëve në Mitrovicë.

“Klan Kosova” ka arritur të kontaktojë edhe me Besim Hotin, Zëdhënës i policisë për rajonin e Veriut, ndërsa ka thënë se provokime të tilla ka nga të dyja palët.

Ai ka shtuar se këto raste vazhdojnë të hetohen në bazë të rrethanave se si ka ardhur deri tek një vepër e tillë.

Lajme të sponsorizuara

Të fundit
Të fundit
Kryetari i komunës së Mitrovicës, Agim Bahtiri, ka uruar qytetarët…