Presidenti i Maqedonisë, Gjorgje Ivanov, gjatë fjalimit të fundvitit në Kuvend ka thënë se Ligji për gjuhën shqipe po cenon karakterin unitar të shtetit.

Ivanovi edhe kësaj radhe ka përmendur “platformën e Tiranës” për të cilën ka thënë se është shndërruar në një krizë kushtetuese.

Presidenti maqedon gjatë fjalimit, ka shprehur shqetësimet e tij edhe rreth gjendjes me ndotjen e ajrit.

Ai ka pasur kritika edhe për mediet, sipas të cilit derisa kanë raportuar për zhvillimet e 27 prillit, kanë shkruar lajme të rrejshme, kinse Ivanovi ka dashur të shpallë gjendje të jashtëzakonshme.