Në kuadër të subvencionimit në bujqësi,  organizata “Qatar Charity”, në Komunën e Mitrovicës, të mërkurën ka shpërndarë katër motokultivatorëve për fermerët, përkatësisht bujqit mitrovicas.

 Ky subvencionim bëhet me qëllim të ndihmës në zhvillimin e bujqësisë në komunën e Mitrovicës.

 Vlera totale e këtij subvencionimi arrin shumën 6 400 euro duke përfshirë edhe pajisjet shtesë të motokultivatorëve, frezë, kosa dhe një rimorkio.

 Nënkryetari i Komunës së Mitrovicës, Faruk Mujka, i cili ishte i shoqëruar nga drejtori i Drejtorisë për Bujqësi, Ekrem Sadiku, ka falënderuar organizatën “Qatar Charity”, të cilët po ndihmojnë zhvillimin e aktiviteteve të ndryshme në bujqësi.

 “Këto pajisje do t’ju ndihmojnë fermerëve në aktivitetet e përditshme në bujqësi, si dhe në ngritjen e kualitetit dhe produktivitetit të prodhimeve. Përkrahja për bujqësi do të vazhdojë edhe në të ardhmen edhe nga organet komunale, duke subvencionuar dhe mbështetur në vazhdimësi fermerët”, ka thënë Mujka.