Shefi i UNMIK-ut dënon vrasjen e Ivanoviqit

16 janar 2018 | 12:22

Përfaqësuesi special në Kosovë i Sekretarit të Përgjithshëm të Kombeve të Bashkuara dhe shef i UNMIK-ut, Zahir Tanin, ka dënuar ashpër vrasjen e politikanit serb të Kosovës, Oliver Ivanoviq.

Në një komunikate por medie të UNMIK-ut, është thënë se Tanin “është tronditur nga vrasja e Oliver Ivanoviqit – udhëheqës i Iniciativës qytetare Liri, Demokraci, Drejtësi, afër zyrës së tij në Mitrovicë të Veriut sot në mëngjes, dhe dënon ashpër këtë akt”.

Tanin ka shprehur besimin në organet e hetuesisë se “do të punojnë shpejtë dhe në mënyrë efektive, duke siguruar që të gjitha agjencitë ndërkombëtare në terren janë të gatshme për të mbështetur autoritetet në çfarëdo mënyre që mund të ndihmojnë në kapjen e shpejtë të atyre që janë përgjegjës për këtë krim”.

Tanin në emër të OKB-së ka shprehur ngushëllimet për familjen dhe miqtë e Ivanoviqit.

Lajme të sponsorizuara

Të fundit
FC Prishtina po vazhdojnë përgatitjet e fazës së parë pranverore…