Presidenti i Republikës së Kosovës, Hashim Thaçi, ka pritur të premten në takim shefen e re të UNDP-së, Ulrika Richardson-Golinski.

Duke i dëshiruar mirëseardhje shefes së re të UNDP-së në Kosovë, presidenti Thaçi ka thënë se kjo organizatë ka bashkëpunim të shkëlqyer me institucionet e Kosovës dhe ka kontribuar me projekte të rëndësishme për vendin tonë.

Presidenti Thaçi, ka theksuar se UNDP-ja do ta ketë gjithmonë mbështetjen e tij.

Edhe shefja e re e UNDP-së, Ulrika Richardson-Golinski është shprehur e kënaqur me rolin e kësaj organizate në Kosovë dhe është zotuar se do të vazhdojnë të japin kontributin e tyre.