Sot fillon faza e dytë e dezinsektimit në komunën e Prishtinës

11 korrik 2018 | 12:00

Sot në Komunën e Prishtinës fillon faza e dytë e dezinsektimit hapësinor.

“Kjo ditë është zgjedhur pas të gjitha përgatitjeve teknike dhe operative nga ana e Komunës së Prishtinës dhe kompanisë pasi që parashikimet klimatike sigurojnë një javë me mot stabil dhe pa reshje, për arsye se reshjet gjatë procesit të dezinsektimit e bëjnë të paefektshëm aksionin”, është bërë me dije në njoftimin e Komunës së Prishtinës.

“Duke u bazuar në këto të dhëna, sivjet do të dezinsektohet një sipërfaqe e përgjithshme prej mbi 6000 hektarë, duke përfshirë edhe zona rurale ku ka potencial të lartë të zhvillimit të këtyre insekteve”.

Komuna e Prishtinës ka njoftuar se edhe këtë vit do të përdoren preparatet e sigurta të regjistruara për përdorim në vendet e Bashkimit Evropian dhe në Shtetet e Bashkuara të Amerikës.

Dezinsektimi do të bëhet nga ora 19:30 deri në orën 23:30 (24:00).

Sipas njoftimit të komunës, bashkëpunimi i qytetarëve në këtë proces është i një rëndësie të veçantë për suksesin e këtij procesi.

/Epoka e re/

Lajme të sponsorizuara

Të fundit
Shumë kush përton të realizojë një udhëtim me mjete më…