BB: Shqipëria, nivel më të lartë investimesh në rajon
BB: Shqipëria, nivel më të lartë investimesh në rajon
11.01.2017 | 19:04
Banka Botërore e klasifikoi Shqipërinë si një nga ekonomitë me nivelin më të lartë të investimeve të huaja në rajonin e Evropës dhe Azisë Qendrore.
Në raportin e sapopublikuar perspektivën globale, banka raporton se investimet e huaja direkte në Shqipëri arritën në vitin 2015 sa 9 për qind e prodhimit kombëtar, duke lënë mbrapa shumicën e ekonomive të tjera.
Sipas Bankës, vetëm 3 vende kanë patur nivel më të lartë të investimeve të huaja direkte në kontinentin evropian dhe Azinë Qendrore. Ato janë Mali i Zi me 17 për qind e prodhimit Kombëtar, Turkmenistani me 12 për qind dhe Gjeorgjia me 10 për qind.
Të gjitha ekonomitë e tjera kanë marrë më pak investime nga jashtë. Në dy vende fqinje të Maqedonisë investimet e huaja ishin sipas Bankës Botërore vetëm 3 për qind e Prodhimit Kombëtar, ndërsa në Bosnjë edhe më pak rreth 2 për qind.
Veçanërisht në vitet e fundit ekonomia shqiptare ka përfituar nga investimet e mëdha, kryesisht në fushën e energjisë si gazsjellësi Transadriatik dhe Kaskada e Devollit.
Sipas Bankës Botërore investimet private, kryesisht ato të huaja kanë qenë një nga burimet kryesore të rritjes ekonomike, e cila vitin e kaluar ishte 3.2 për qind, ndërkohë që për këtë pritet të forcohet me tej në 3.5 për qind. / TCh
List of videos