Sulmohet drejtori i Valës, Agron Mustafa

30 dhjetor 2017 | 14:30

Sot në mesditë është sulmuar drejtori i Valës, Agron Mustafa në një lokal në Prishtinë.

Sulmin ndaj tij e ka konfirmuar vet Mustafa për “lajmi.net”, i cili ka thënë se i njeh sulmuesit, njëri është Nazim Sahiti dhe polici tjetër Avni Berisha i njohur si Tarkani.

“Arsyeja e sulmit ndaj meje nuk e di cila është, por janë dy zyrtarë policor”, ka thënë Mustafa.

A ka pasur më parë ndonjë raport me sulmuesit dhe a ka marrë kërcënime nga ta, Mustafa thotë se nuk e di pse e kanë sulmuar pasi kurrë nuk ka pasur kontakt me ta.

“Hiç asgjë, më kanë ndal në rrugë për një minutë kanë fillu me më grushtu, shamje edhe grushta”, ka treguar Mustafa për momentin e sulmit.

Ai tha se kurrë nuk pas pasur diçka të keqe nga dy personat, dhe thotë se ka qenë gjithmonë korrekt.

“Kurrë në jetë hiç, kurrë në jetë, një fjalë me njëri me tjetrin nuk e kam ndrru, shumë korret gjithë kam qenë”, tha mes tjerash Mustafa.

Drejtori i Valës tha se është duke dhënë deklaratë në polici dhe më pas do të shkojë në emergjent për trajtim.

“Jam në polici duke dhënë deklaratë edhe po shkoj me bo inxhizime. Do të shkojë në emergjencë me u kontrollu detajisht”, ka thënë Mustafa.

Lajme të sponsorizuara

Të fundit
Milot Rashica mund të largohet nga Vitesse qysh në afatin…