Presidenti i vendit, Hashim Thaçi, është duke qëndruar në Shtetet e Bashkuara të Amerikës.

Ai atje ka ka dorëzuar një kopje të deklaratës së pavarësisë së Kosovë.

“Për dhjetëvjetorin e pavarësisë, sot kam dorëzuar një kopje të deklaratës së pavarësisë së Kosovës në Bibliotekën e Kongresit amerikan”, ka shkruar Thaçi në profilin e tij në Facebook.

“Bashkë me shumë dokumente të rëndësishme botërore, deklarata e pavarësisë së Kosovës do të ruhet përjetësisht në vendin dhe shtetin, i cili dje mbështeti lindjen, derisa sot ruan ekzistencën e kësaj deklarate dhe shtetit tonë”.

“Jemi të bekuar me miqësinë e përjetshme me popullin dhe shtetin amerikan”.