Thaçi i gëzohet propozimit të KE-së për hapjen e negociatave me Shqipërinë

17 prill 2018 | 19:26

Presidenti i Kosovës, Hashim Thaçi, i është gëzuar propozimit të Komisionit Evropian për hapjen e negociatave me Shqipërinë për anëtarësim në Bashkimin Evropian.

“Për këtë të arritur i përgëzoj qytetarët e Shqipërisë, presidentin Ilir Meta dhe kryeministrin Edi Rama, për reformat dhe qeverisjen e mirë”, ka shkruar Thaçi në profilin e vet në “Facebook”.

“Zgjerimi i Bashkimit Evropian dhe integrimi i tërë Ballkanit Perëndimor në familjen evropiane janë rruga e duhur për të rritur stabilitetin dhe sigurinë në Ballkan”.

“E përshëndes, po ashtu, edhe propozimin e Komisionit Evropian për hapjen e negociatave me Maqedoninë. Ky vendim i tyre e forcon perspektivën evropiane për tërë rajonin tonë”, ka shkruar Thaçi.

Lajme të sponsorizuara

Të fundit
Mërgim Rexhaj ka parashikuar se Besa është favorite ndaj Flamurtarit…