Zemaj reagon për takimin e Haradinajt me përfaqësuesit e Listës Serbe

12 korrik 2018 | 19:12

Deputeti i Lidhjes Demokratike të Kosovës (LDK), Armend Zemaj, ka akuzuar partinë e Ramush Haradinajt për lidhje me Listën Serbe.

Reagimi i deputetit Zemaj ka ardhur pas takimit të kryeministrit Haradinaj me kryetarin e Listës Serbe, Goran Rakiq dhe nënkryetarin e këtij subjekti Milan Radojçiq.

Përmes një postimi në llogarinë e vet në “Facebook”, Zemaj ka thënë se kjo është fytyra e vërtetë e AAK-së.

“Paradite akuzuan për aleanca me Listën Serbe. Ashtu siç ju thash se kjo është nder vedijen tuaj si gjithmonë për t’u mbrojtur nga shkeljet e vazhdueshme ligjore të këtyre individëve dhe strukturave qeveritare. Kjo u dëshmua menjëherë pasdite, duke pritur në mënyrë solemne të dyshuarin për krim të organizuar, zhvatje, dhunë dhe frikësim të qytetarëve të Mitrovicës veriore Milan Radojçiçin. Kjo është fytyra e vërtetë”, ka shkruar deputeti Zemaj.

/Epoka e re/

Lajme të sponsorizuara

Të fundit
Ministri i Punëve të Brendshme Bejtush Gashi, ka bërë të…