Rreth 200 marrëveshje me një vlerë totale prej mbi 10 miliardë eurosh janë gati për t’u nënshkruar në Konferencën e Rimëkëmbjes së Ukrainës që po zhvillohet aktualisht në Romë, tha Presidenti ukrainas Volodymyr Zelensky.

Zelensky veçoi energjinë si një përparësi të veçantë për muajt në vijim.

“Të gjithë ne duhet të vazhdojmë të ushtrojmë presion mbi Rusinë. Të gjithë ne duhet të vazhdojmë të punojmë për mbrojtje në mënyrë që të arrijmë një armëpushim të vërtetë sa më shpejt të jetë e mundur”, theksoi presidenti ukrainas.