74-vjeçari Skënder Cena, është maturanti më i vjetër që ka hyrë sot për të zhvilluar provimin e anglishtes në Kamëz. Cena i datëlindjes 08.11.1951, është një i moshuar me vullnet të hekurt që zgjodhi të trokasë sërish në dyert e Shkollës se Mesme Profesionale Kamëz.

Ai u regjistrua për të hyrë në provimin e gjuhës së huaj që do të zhvillohet më 3 qershor dhe më pas për të marrë diplomën e maturës shtetërore, në degën “shërbime mjetesh transporti”.

Po cila është historia e Skënderit dhe përse ai rikthehet pranë kësaj shkolle me shpresën për ta përmbyllur me sukses ciklin?

I moshuari e ka përmbyllur procesin mësimor, cikli “part time” në vitin 2016. Atë vit, ai ka marrë të gjitha provimet përveç gjuhës së huaj anglisht, raporton “Voxnews.al”.

E vetmja mundësi që ai të diplomohet është të hyjë në provim dhe të marrë notë kaluese. Ndaj ai ka bërë plotësimin e formularit A1Z, që të paraqitet në provim dhe të asistohet për shkak se ka shikim të dobët.

Ai sot do të ulet në bankën e shkollës për të dhënë provimin, edhe pse është 74-vjeç