Rekord në aeroportin “Adem Jashari”, shpërblehet udhëtari i dymiliontë

03 dhjetor 2018 | 10:55

Me rastin e arritjes së shifrës prej mbi 2 milionë udhëtarëve të shërbyer brenda një viti për herë të parë në historinë e Aeroportit Ndërkombëtar “Adem Jashari”, është shërbyer edhe udhëtari që ka mbërri këtë shifër.

Naser Sadriu nga Podujeva, është shpërblyer me një biletë kthyese dhe me shërbimet e aeroportit brenda një viti.

Sadriu, i cili jeton në Zvicër ka ardhur në Kosovë për një rast vdekje, ndërsa ka falënderuar aeroportin për këtë dhuratë.

Drejtori i operimeve, Gokman Aritay, ka thënë se numri i madh i udhëtarëve brenda këtij viti është një sukses i madh për aeroportin “Adem Jashari”.

Ndërsa ministri i Infrastrukturës, Pal Lekajt, ka thënë se ky sukses është i përbashkët dhe ka premtuar se do të jetë mbështetës i fuqishëm i punëtorëve të zellshëm dhe kompanive.

Lajme të sponsorizuara

Të fundit
Bujar Meholli “Shqipëria si m’u duk” është një ndër veprat…