Real Madridi do të përballet nesër me Real Sociedad në ndeshjen e parë gjysmëfinale Të Kupës së Mbretit. Trajneri Carlo Ancelotti ka folur para këtij dueli.

“Është gjithmonë e vështirë të luash kundër Real Sociedad. Është një gjysmëfinale e rëndësishme për të gjithë dhe do të jetë një ndeshje e parë shumë e ngushtë dhe argëtuese. Kam lexuar se ka një rast Guler, por ai rast nuk ekziston. Është pjesë e një procesi, për të dhe për të gjithë lojtarët e rinj. Kjo ndodhi me Rodrygo, Vinicius, Valverde… Atij i duhet kohë për të luajtur në ekipin më të mirë në botë”, ka deklaruar Ancelotti.