Arrestohen hajnat që vodhën 5 mijë euro në një barnatore të Prizrenit

28 janar 17:40

Njësiti policor i hetimeve rajonale në Prizren ka arritur të identifikojë dhe arrestojë tre të dyshuarit në lidhje me grabitjen e 5 mijë eurove në një barnatore në këtë komunë.

“Njësiti i hetimeve rajonale në Prizren ka arritur të identifikojë dhe zbulojë kryerësit e veprave penale të grabitjes. Rasti ka ndodhur në këtë muaj në një barnatore në qytetin e Prizrenit ku persona të maskuar dhe nën kërcënimin e armës kishin arritur të grabisin një sasi të parave në vlerë rreth 5000 euro. Hetuesit e rajonit të Prizrenit kanë siguruar prova dhe dëshmi në lidhje më këtë ngjarje, ku fillimisht e kanë gjetur kasafortën e cila ishte e vjedhur dhe pas identifikimit të personave të dyshuar të njëjtit i ka ballafaquar me provat ku edhe e kanë pranuar se e kanë kryer veprën penale të grabitjes”, ka njoftuar policia.

Sipas këtij njoftimi, me urdhër të prokurorit të shtetit janë ndaluar personat e dyshuar si plaçkitës me inicialet: B.G, L.B dhe E.K.

Me aktvendim të prokurorit të shtetit të dyshuarit janë ndaluar në mbajtje në afat prej 48 orë.

Lajme të sponsorizuara

Të fundit
30.01.2020 Punime të domosdoshme për siguri të sistemit Gjilan 1.…